Foto-denuncias da Eumesfera

Lixo con vistas á Ría

2010-01-30T11:17:00.003+01:00

Que a nosa costa ten unhas vistas marabillosas sabémolo todos, pero se nesta marabillosa paisaxe costeira permitimos que o lixo se acumule durante días

rompemos todo o encanto convertendo unhas boas vistas nunhas vistas de lixo, por non dicir outra palabra.
Máis información en S.O.S. Pontedeume ¡denuncia!.

Está sucio ou vén así de fábrica

2009-10-10T04:29:00.003+02:00

O titular podería ser o que se preguntaran os veciños que teñen que soportar esta visión todos os días, sen contar os olores,

aínda que esta visión a contemplan ademais dos veciños moita máis xente dada a situación deste fronte aos supermercados da avenida de Ferrol, polo que xorde a dúbida de estarán sucios ou é que veñen así de fábrica?

Se correos aparca, eu tamén

2009-08-28T02:34:00.003+02:00

Que en Pontedeume non hai o aparcamento necesario para a absorción de todos os vehículos que nos visitan, é sabido, pero iso non creo sexa a excusa que permita que este vehículo estacione na beirarrúa,

no que parece dicir "se correos aparca, eu tamén", ainda que o que menos sorprende é o lugar por onde accedeu ao aparcamento.

Aparco aquí e non me digas nada que te...

2009-08-19T11:15:00.005+02:00

Unha fotografía sen desperdicio e na que as verbas sobran, pero o mellor da historia é que o condutor deste vehículo ainda tivo mais que dicir.
A historia desta fotografía podédela ver en S.O.S. Pontedeume ¡denuncia!.

Tendido eléctrico do século pasado

2009-08-07T09:51:00.004+02:00

Tendido eléctrico que se ve no casco histórico de Pontedeume desde a rúa Real e que denota unha deixadez mais que evidente e o que pode sera ainda peor xa que pode supoñer un perigo para todos os viandantes.

Avituallamento no Camiño Inglés

2009-07-14T10:08:00.002+02:00

Que o Camiño Inglés pasa por Pontedeume sabémolo todos, que os peregrinos merecen toda a nosa atención e avituallamento, tamén o sabemos, pero ¿é a praza de España onde están os taxis un punto de avituallamento?.

Caixas de sardiñas na beirarrúa

2009-07-06T10:45:00.002+02:00

Que estamos no tempo de que a "sardiña molla o pan" non xustifica a seguinte fotografía

unha estampa que puidemos ver durante toda a fin de semana nunha beirarrúa a carón dun bar, sin mencionar o cheiro que alí había e que como comprenderedes non reproducirei aquí.

A maleza invade a estrada de Centroña

2009-05-19T18:16:00.000+02:00

Como todos os anos por estas datas a maleza invade a estrada de Centroña facendo que esta xa sexa máis estreita e perigosa tanto para vehículos como para os peóns que recordemos non teñen beirarrúas.

Aínda estás a tempo de apostar

2009-05-11T16:26:00.003+02:00

Que unha árbore se rompa non é moi normal pero entra dentro das posibilidades, pero que se estean a facer apostas para ver quen acerta cando se retira, non é moi lóxico pero é certo. Esta situación é a que nos comenta un veciño que se está a dar cunha árbore do Paseo Marítimo, concretamente dunha que se encontra xunto á piscina municipal da que nos remite unha fotografía.

¿Quen a gañará?.

Bambáns con baño incluído

2009-05-04T09:38:00.003+02:00

Que en Pontedeume non hai moitos bambáns sábeno moitos pais por non dicir todos, e que estes teñen incorporado o baño sábeno tamén os nenos posto que chegan co calzado á casa lavado, iso se non teñen a sorte de nun descoido levar a roupa tamén lavada.

Como non pasa nada ¡aparco aquí!

2009-04-01T17:35:00.004+02:00

Todos sabemos do pouco lugar destinado a aparcadoiros que temos en Pontedeume, pero iso non é motivo para aparcar nun lugar destinado a persoas con mobilidade reducida debidamente identificadas, con mais inri de que este tipo de vehículos xa teñen habilitado un lugar e horario para carga e descarga

ainda que é un problema que xa ven de atrás e se repite mais que os allos.

¿E se colocamos un colector mais?

2009-03-22T16:52:00.006+01:00

Os eumeses sabemos dos problemas coa recollida do lixo en Pontedeume, un problema que ven de lonxe, pero sabendo estos problemas ¿porqué non se aumentan os colectores de lixo para evitar situacións como estas?.

Isto é violencia e non política

2009-02-24T16:16:00.003+01:00

Unha imaxe da que sobran ás palabras, pois amosa claramente cal é o que alguén entende por liberdade.

Varrer para debaixo da alfombra

2009-02-03T09:00:00.000+01:00

Tras o temporal que pasamos estes días son moitas as ramas e follas que se ven polo chan, polo que os sumidoiros se atascan e hai que limpalos, pero o que creo que non se debe facer é limpar e botar o que quita á beirarrúa e ao carril-bici, porque eso chámase varrer para debaixo da alfombra.

¿Qué foi o que lle pasou a esta pedra?

2009-02-01T20:55:00.003+01:00

Ainda que parezan pedras, son algo mais, pois para moita xente representan recordos xa que pasaron moitos momentos da súa xuventude sentados nelas mentres miraban pra ría e conversaban cos amigos.

Son o mellor aparcando ¿ou non?

2009-01-30T21:28:00.004+01:00

Hai quen di que en Pontedeume hai problemas de aparcamento, pero tamén hai quen di que é normal con situacións como a da fotografía que nos manda un amigo.

Penso no que lle diría ao condutor dese vehículo se fose eu o que baixara do coche "tranquilo que ata a beirarrúa xa vou camiñando".

Mentres non sexamos máis civilizados, temos o que merecemos

2009-01-14T21:00:00.001+01:00

Un veciño de Centroña mándanos estas fotografías que mostran o abandono da fonte, ten no seu interior tellas rotas do seu propio tellado que se vén abaixo, e o peor é o que se pode ver en esta, unha botella de lavalouza, polo que este veciño di que temos o que merecemos mentres non sexamos máis civilizados.

¿Prohibido?

2009-01-03T11:49:00.003+01:00

Unha imaxe que remítenos un amigo e que ilustra a perfección a decadencia do Feirón de Pontedeume e o pouco que se coida a todos aqueles comerciantes que legalmente instalan os seus postos previo pago do imposto regulamentario.

Vandalismo cos colectores de vidro

2009-01-02T17:15:00.002+01:00

Unha fotografía que fala por si soa pois un contedor de vidro o aire non o envorca ¿non si?

¿Hoxe é primeiro martes de mes?

2008-12-30T09:04:00.002+01:00

Os eumeses sabemos que o primeiro martes de mes recollen polas rúas todo aquelo que xa non nos serve e que non podemos tirar aos colectores de lixo, pero ¿e hoxe primeiro martes de mes?, creo que non é o caso, polo que ainda que pareza mentira o lixo da fotografía anterior estará na beirarrúa ata que o concello pase a recollelo o vindeiro ano.

Vandalismo cos colectores de lixo

2008-12-29T18:04:00.002+01:00

É titular que se me ocorre para este acto bárbaro e violento ao prenderlle lume, máxime tendo en conta a proximidade ás vivendas e o perigo que supón para estas, chega con observar as marcas deixadas polo fume na parede.

De Pontedeume ao ceo

2008-12-26T16:31:00.002+01:00

Tras un breve descanso, seguimos a poñer as fotografías que me mandades.
Nesta ocasión trátase dunha fotografía que ainda que leve moito tempo así non perde o seu interese, tal e como denunciaron hai moitos meses en S.O.S. Pontedeume ¡denuncia!. Os eumeses sabemos que desde aquí ao ceo pero os pelegríns que seguen o Camiño Inglés non acertan co significado deste sinal, ou ¿será para decirlles que teñen que subir o monte de Breamo?.

Aos veciños impórtalles

2008-12-08T09:20:00.003+01:00

Hai uns días nesta entrada denunciábase o estado dos macetoiros que puxo o concello, pois só servían para colilleiros ou receptores dos restos do botellón

unha situación que os veciños e comerciantes quixeron poñerlle fin ante a chegada próxima do Nadal, decorarando o mesmo e dándolle a imaxe que segundo eles e moitos de nós, Pontedeume merece.

O descanso do sinal

2008-12-04T08:00:00.000+01:00

Un lector mándanos esta fotografía na que vese como o sinal que prohibe a subida desde o cemiterio de Centroña non cumpre có obxectivo pro que foi posto xa que está tumbada nun lateral, sinal que ata fai ben pouco estaba tirada no chan pero os propios veciños a puxeron no lugar onde agora se atopa, polo que pregúntanse ¿está canso o sinal?.

Tellas no lavadoiro

2008-12-03T08:00:00.001+01:00

Descoñezo si hai algún burato no tellado da fonte que hai preto de Centroña por mor das tellas que atópanse no lavadoiro, pero ¿é un lugar axeitado pras mesmas?.

Civismo por favor

2008-12-02T08:20:00.000+01:00

Un veciño achéganos varias fotografías que porei en varios días.
No día de hoxe porei unha na que vese a falla de civismo dunha persoa que deixou unha botella de lavavaixelas na fonte, como se non houbese outro lugar onde a tirar.

Mais utilidades pros maceteiros

2008-12-01T16:47:00.004+01:00

Un veciño mándanos esta fotografía na que móstranos outra das utilidades que se lle poden dar aos maceteiros, ou ¿son outra cousa? pois plantas non teñen.

Carreiras no casco urbán de Pontedeume

2008-11-25T16:07:00.003+01:00

O titular parece duro pero é a triste realidade. So hai que esperar a que cheguen ás treboadas a vila e xa temos a diversión nas nosas rúas, unha diversión que tornase en preocupación e gañas de denunciar cando topan co noso coche.
Levamos dúas noites seguidas e xa vimos como os colectores toman vida e andan as carreiras polas rúas de Pontedeume.

Esta é unha situación da que xa demos conta, pero ¿cando chegará a solución?.

En pouco mais dun mes

2008-11-23T10:12:00.002+01:00

En pouco mais dun mes xa nos agasallaron coa fotografía anterior, ¿pero a donde corresponde esta imaxe?. Aquí teñes o artigo completo e a solución ao enigma.

Fogueiras no Centro de Maiores

2008-11-22T11:12:00.003+01:00

Esta fotografía sacada o pasado mércores que recibimos no noso caixón de correo, corresponde a parte traseira do Centro de Maiores de Pontedeume.
Na mesma aparte de denunciar o estado de conservación do mesmo e do noxenta que están as súas paredes, vemos os restos dunha fogueira que xa leva alí mais dunha semana e que día tras día acumúlase mais lixo, polo que este lector pregúntase ¿terán que plantarlle lume outra vez mais pra que desaparezan?.

¿Zoa reservada pra carga e descarga?

2008-11-20T20:57:00.004+01:00

Un lector mándanos esta fotografía na que dí que a sacou o pasado venres sobor das 13'30 horas unha vez que xa rematara o horario establecido para tal fin, pero pregúntase ¿as zoas limitadas como carga e descarga son para vehículos ou para amontoar a mercaduría?.

Prohibido prohibir

2008-11-18T17:45:00.002+01:00

Unha das preguntas da xente que ve a imaxe anterior é ¿está prohibido prohibir en Pontedeume?

¿Terá que vir o perito?

2008-11-17T15:43:00.003+01:00

O venres pola tarde e como consecuencia dun accidente que por sorte non houbo desgrazas persoais, a sinalización da fotografía caeu o chan.
Desde ese día segue no mesmo lugar ata hoxe, pese a haber feirón o sábado e a interromper a circulacións dos peóns pola beirarrúa.
Por todo isto este lector pregúntase ¿haberá que esperar a que chegue o perito igual que o remolque queimado do peirao?.

O baixar do tren vexo .....

2008-11-15T14:04:00.002+01:00

Ainda que pareza mentira esta é a primeira imaxe que ven os pasaxeiros que chegan a Pontedeume no tren.

Unha imaxe necesaria no resto da vila

2008-11-06T14:50:00.000+01:00

Cando levamos dous días nos que o tempo deunos unha trégua, un veciño pregunta ¿cando se verá esta imaxe por o resto da vila e non só no peirao de Pontedeume?.
Este veciño alega que xa está farto de ver como os colectores de lixo andan as carreiras cando o tempo está revolto e o peor é que estes colectores ao competir, non respeitan ós coches aparcados e andan a golpes con eles.

A Policía Local de Pontedeume ten un camuflado

2008-11-05T16:13:00.002+01:00

A tenor desta imaxe parece que é certo a afirmación que fai este lector ao afirmar que a Policía Local de Pontedeume ten un vehículo camuflado, baseandose en que está no lugar que so permite o estacionamento aos vehículos policiais, tal e como prohibe o sinal que está ao seu carón.

¿Cando chegará o perito?

2008-11-02T20:59:00.002+01:00

A día de hoxe a imaxe anterior reflicte a realidade do que aconteceu no peirao de Pontedeume hai cáseque 4 meses, un tempo que xa pasou mentres se espera a chegada do perito que valore as perdas ¿tardará moito mais en vir?.

Aparte do tempo que pasou ¿cal é a diferencia principal entre as dúas?

2008-10-24T15:37:00.003+02:00

Xa pasaron uns meses desde a publicación da fotografía anterior e agora atopámonos con estoutra,

polo que pregúntome ¿cal é a diferencia principal entre ámbalas aparte do tempo que pasou?.

As normas de circulación ¿son iguais pra todos?

2008-10-23T15:19:00.005+02:00

Recibín as imaxes anteriores por correo dun lector que manifestaba si era de recibo o poñelas tendo en conta que estivo no lugar preto dunha hora, un lugar onde aparte de non estar permitido aparcar pro resto, ainda o deixan en sentido contrario.
Aclara tamén que a técnica das sombras e o marcado das mesmas aprendeuno o ver C.S.I.
Despois de toda esta explicación este veciño pregúntase ¿estarían nun servizo de urxencia?.

¿Praza de aparcamento reservada pro "vivamos como galegos"?

2008-10-21T20:50:00.005+02:00

Achéganme mediante correo esta fotografía que da fe e sirve como proba unha vez mais do pouco respeto que se ten coas prazas reservadas pros minusválidos en Pontedeume, polo que enténdese perfectamente que escollan a nosa vila pra ilustrar con fotografías as novas dos xornais.

¿Porqué non se recolleu o lixo da praia?

2008-10-14T16:06:00.002+02:00

Un veciño quere denunciar a pasibidade do concello a hora de recoller o lixo na praia da Ínsua.
Segundo o que manifesta este usuario o concello recollía durante o verán periódicamente o lixo na praia, un acto que é de agradecer. A laboura que desempregaba o concello era a de deixar unha bolsa grande para que os bañistas deixasen o lixo na mesma, lixo que cunha periocidade axeitada recollía e deixaba unha nova bolsa baleira.
O problema xurde cando o concello deixa de recoller o lixo ao remate do verán, unha acción que entenden os usuarios pois é normal que o servizo non se manteña todo o ano, pero o que non entenden é ¿por qué deixaron unha nova bolsa baleira se o servizo xa non se ía a manteñer?.
Ante esta dúbida pasou o que tiña que pasar xa que segundo este usuario a bolsa encheuse e por mor das últimas choivas o lixo espallouse polo chan tal e como pode verse nas imaxes.
¿Terá que limpar o mar o que non recolleu o concello?.

Que o servizo sexa privado ou non é o de menos, pero o lixo hai que recollelo

2008-10-13T08:24:00.003+02:00

Correo mandado por uns veciños de Centroña no que vese a acumulación de lixo desta fin de semana, un lixo que provocou un fedor impresionante nas vivendas próximas e unha imaxe lamentábel do concello ao estar estes colectores na rúa que vai pra Miño. Por ese motivo comentan que lles é igual se o servizo é privado ou non, pero que se recolla dado que todos pagan por un servizo que non se lles presta.

¿Que é o que prohibe este sinal?

2008-10-10T08:44:00.003+02:00

¿Que é o que prohibe este sinal?. Os que somos de Pontedeume e coñecemos a breve existencia da mesma sabemos o que prohibía, pero ¿qué pasa con os que descoñecen o seu significado?

¿Cal será o motivo de que esta lousa esté así?

2008-10-09T08:36:00.003+02:00

Aparece a primeira lousa rota do pavimento que hai diante da biblioteca municipal. ¿Cal será o motivo?.

A canteira do botellón está garantida

2008-10-06T16:52:00.005+02:00

Un seguidor deste blogue achéganos mediante correo unha fotografía na que por adiantado xa nos dí que a calidade non é moi boa, sacouna co móbil, pero dada a súa importancia quere publicala.

A fotografía corresponde as 22'00 horas do sábado na que había moitos cativos con idades comprendidas entre os 10 e 12 anos no xardín de Lombardero asomados ao patio dos almacéns de raxoi, uns rapaces que chamados polo ruido que montaban os botelloneros xaleaban as súas tropelías, correspondendo estes últimos a trompos, berros e algunha que outra picada de roda dos vehículos que había no patio, polo que segundo este lector chega a conclusión de que a canteira dos botelloneros está garantida.

¿Decatouse alguén da falla do busto do Dr. Ulpiano Villanueva?

2008-09-22T11:12:00.003+02:00

Descoñezo con exactitude a data na que se colocou nos Xardíns de Lombardero o busto do Dr. Ulpiano Villanueva, pero ¿decatouse alguén de que xa non está no seu lugar orixinal?.

¿Canto tempo tardarán en quitar esta pola?

2008-09-12T17:13:00.004+02:00

Un veciño pregúntase ¿canto tempo pasará ata que retiren a pola que caiu dunha árbore do paseo marítimo?.

Contedor de roupa usada abandoado

2008-09-05T09:33:00.003+02:00

Contedor de roupa usada abandoado e cáseque cuberto pola maleza preto da beirarrúa da avenida de Ferrol.

Botellón cómodo, ¿acabará no fondo da ría?

2008-09-03T12:17:00.003+02:00

Fotografía que mándanos un lector do blogue sacada o domingo pola mañá, na que nos comenta como os botelloneros prefiren un botellón cómodo presaxiando a súa vez que si os operarios do concello non a quitan da parede do Xulgado acabará no fondo da ría, tempo ao tempo.

Banco do xardín que hai preto da estación

2008-08-30T18:29:00.004+02:00

Desde aquí descoñecemos a utilidade que se lle da a este banco, pero preferimos os de toda a vida, aqueles nos que podes sentar.

Remolque queimado no peirao de Pontedeume

2008-08-25T16:57:00.002+02:00

Desde hai mais dun mes atópase no peirao de Pontedeume encadeado a unha árbore un remolque que ardeu nunha noite da fin de semana, ¿ata cando quedará no lugar?.
Mais información aquí.

Tanta culpa ten o que a fixo como o que a rematou

2008-08-21T16:29:00.003+02:00

Hai uns días aparecía na avenida da Coruña, unha pintada coa lenda dos "Ultra Sur", pintada que alguén encargouse de modificar e deixala así,

poñéndose a altura de quen a fixo.
O resultado desta falcatruada é que os veciños terán que convivir coa mesma ata que o dono pinte de novo a parede.

Parque de xogos perigoso para os cativos

2008-08-13T17:14:00.002+02:00

Esta imaxe corresponde a un dos xogos do parque infantil do Paseo Marítimo, unha imaxe que reflexa o perigo tanto de caida dos cativos ao impactar no cemento, como de producirse cortes co soporte metálico do xogo. ¿Ata cando?.

Para mercar bolsos, cintos ou cds piratas, vai os sábados á porta do Concello de Pontedeume

2008-08-09T17:44:00.005+02:00

Para mercar cds, bolsos ou cintos piratas, basta con esperar que chegue o feirón do sábado e ir a porta do Concello de Pontedeume para mercálos.

¿Onde está o Paseo Marítimo de Pontedeume?

2008-08-05T00:43:00.004+02:00

A tenor destas imaxes ¿onde está o Paseo Marítimo de Pontedeume?.

No fondo do mar, matarile, rile, rile, no fondo do ........... unha situación que xa se denunciou en S.O.S. Pontedeume ¡Denuncia! hai tempo, concretamente o 20 de marzo.
¿Cando emerxerá? toda unha dúbida.

Banco de pedra roto na praza da calzada

2008-07-29T19:37:00.002+02:00

Sexa por culpa do Festival de Habaneras ou por culpa da festa da fin de semana, pero o que é certo é que este banco da praza da Calzada está roto.

Burato na curva do Torreón

2008-07-10T15:05:00.004+02:00

Nesta imáxes vemos o burato que hai na curva do Torreón, a situación do mesmo e como as pedras que faltan no mesmo están o carón do mesmo soltas co peligro que iso leva.

Os colectores de lixo soterrados son o blanco dos cativos

2008-07-10T14:49:00.000+02:00

Fotografías que manda un amigo e nas que amosa como os nosos cativos fan dos colectores de lixo soterrados o seu blanco de xogo ou blanco de destragos.